Nesta sección iranse colgando documentos, guías, etc. que poidan ser de utilidade para os investigadores. Como noutras seccións, se atopa algún erro ou cre que sería de utilidade elaborar novos documentos, comuníquenolo mediante correo electrónico (uai.coruna@sergas.es).

1. Deseño dunha base de datos nunha folla de cálculo
   A folla de cálculo é a ferramenta máis utilizada polos investigadores para a recollida de datos. Microsoft EXCEL e  LibreOffice  Calc son as máis comúns. Un correcto deseño da folla minimizará os erros de rexistro e facilitará a correcta importación da mesma polos programas máis habitualmente utilizados para análise estatística. O documento que pode descargar na ligazón é unha breve guía para o deseño correcto deste recurso informático.
   
   - Deseño dunha base de datos nunha folla de cálculo - PDF
   
   
2. Protocolo de deseño dun estudo observacional
   O protocolo de deseño dunha investigación trata de argumentar de forma clara e precisa o porqué e o como imos levar unha determinada investigación. Non só é unha necesidade formal de calquera proxecto de investigación, é tamén un documento imprescindible para distintos trámites como solicitar axudas financeiras ou a aprobación por parte de comités de ética da investigación. O documento que se pode descargar é un modelol que trata de ordenar a forma na que elaborar un protocolo dun estudo de tipo observacional.
   
   - Protocolo de deseño dun estudo observacional - DOCX
   - Protocolo de deseño dun estudo observacional - ODT