O risco de contraer a infección por coronavirus é similar ao doutras persoas . Con todo, as persoas con enfermidades pulmonares poderían ser máis propensas a presentar os síntomas da infección ou a desenvolver unha infección máis grave. 

Ata o de agora, a maioría das persoas con COVID-19 padecen enfermidade vírica leve, aínda que nalgúns casos poden derivar nunha infección pulmonar máis grave como unha pneumonía. Aínda non sabemos con certeza se as persoas con bronquiectasias ou fibrose quística teñen unha maior probabilidade de sufrir unha infección pulmonar polo virus da COVID-19, aínda que é bastante probable, xa que así ocorre con outros virus, como o da gripe.

Se vostede ten infección por coronavirus debe continuar coa medicación habitual e contactar co seu médico. Se vostede toma medicación en aerosois o seu médico debe valorar cambiala a medicación en po seco ou ben utilizar dispositivos presurizados que poida utilizar mediante unha cámara inhalada.