O obxectivo da carteira de servizos que ofrece a Unidade de Cirurxía de Man e Membro Superior é o tratamento integral da patoloxía da man, o carpo e o nervio periférico da extremidade superior así como da cobertura microquirúrgica complexa.
Ofrece o tratamento electivo das patoloxías que se presentan con maior frecuencia na man (neuropatías compresivas, enfermidade de Dupuytren, tumores, man reumática, etc.) e da man traumática (tanto do tratamento de urxencia como das súas secuelas).
Recentemente instauráronse técnicas de cirurxía minimamente invasiva mediante o uso da artroscopia para o tratamento de patoloxía do carpo, achegando unha técnica innovadora que posibilita reducir a estancia hospitalaria e diminuír o tempo ata a reincorporación á actividade laboral e deportiva dos pacientes. Por tanto, a actividade cirúrxica da Unidade de Cirurxía de Man susténtase en tres alicerces fundamentais, a cirurxía aberta convencional, a microcirugía e a cirurxía artroscópica.