A consulta específica de alerxia a medicamentos localízase na planta baixa do Hospital A Coruña, no Hospital de Día de Alergoloxía. De luns a venres pola mañá, martes e xoves pola tarde.
Nela aténdense consultas presenciais e telefónicas para a avaliación da alerxia medicamentosa, co fin de realizar os estudos posteriores que permitan aclarar posibles alerxias a fármacos, desmentilas, acoutalas e buscar alternativas.
Atendido polos Doutores López Rico, García Paz, Cosgaya Ceballos e Parra
Na carteira de servizos ofrecida por esta unidade están:
- Realización de probas alérxicas cos distintos fármacos implicados en reaccións. As probas varían en función do tipo de fármaco, do tipo de reacción e das características do paciente
- Realización de proba de tolerancia medicamentosa, para descartar alerxia a fármacos
- Realización de técnicas de desensibilización: Para casos onde non hai alternativas, consiste na administración do fármaco ao que o paciente é alérxico mediante un protocolo especial que permite completar un tratamento evitando reaccións graves.