Unidade de Coordinación e Apoio Asistencial a Residencias Sociosanitarias

A coordinación entre o nivel sanitario e o social cobra unha especial importancia, non só nas persoas maiores que viven soas e sen apoios familiares, senón tamén nos institucionalizados en residencias. Moitos dos residentes destes centros non só precisan coidados básicos senón tamén dunha atención sanitaria continua pero que non necesariamente ten que estar vinculada a un ingreso ou traslado a un Hospital.

É necesario reorientar e achegar a atención sanitaria aos centros residenciais para así evitar derivacións innecesarias, así como posibilitar alternativas ao ingreso convencional diminuíndo desta forma a iatroxenia que en moitas ocasións xera o ingreso nun hospital. É, por tanto, necesario mellorar e coordinar o labor asistencial e para iso é preciso establecer un plan de asistencia sanitaria integrada que posibilite que o paciente reciba a atención clínica e o tratamento indicado, tanto curativo como paliativo, no seu entorno habitual.

No ano 2020, a consecuencia da pandemia COVID19 créase en esta área sanitaria a “Unidade de Coordinación e apoio a Residencias” integrada no Servizo de Hospitalización a Domicilio da Área Sanitaria da Coruña e Cee.

h1