Os Consellos Asesores son órganos colexiados de carácter consultivo (art. 22.2 da Lei 16/2010, do 17 de decembro) que teñen por finalidade a mellora da calidade da asistencia sanitaria a través da percepción dos servizos sanitarios por parte dos e as pacientes, así como informar e asesorar os órganos responsables en cada momento da dirección e xestión das áreas sanitarias.

Por tanto, a través dos consellos asesores, créanse formalmente estruturas de participación das asociacións no ámbito territorial das áreas sanitarias, sen que isto limite ou dificulte o contacto informal ou máis próximo que xa viñamos mantendo.

Na Área Sanitaria da Coruña e Cee, constituíuse o Consello Asesor de Pacientes da Área o 12 de marzo de 2019.