• Por meses, en xaneiro fixéronse 22 transplantes, 19 no mes de febreiro e 21 no que vai do mes de marzo
• O éxito do programa de transplantes do Complexo Hospitalario Universitario da Coruña non sería posible sen a colaboración e a solidariedade dos familiares dos donantes
O pasado venres día 10, o equipo de transplantes do Complexo Hospitalario Universitario de A Coruña, realizou 6 enxertos de órganos sólidos. Os órganos transplantados procedían dun único donante.
Os transplantes realizados polos profesionais do CHUAC foron: 2 enxertos renais, 2 enxertos pulmonares, 1 enxerto hepático e 1 enxerto cardíaco.
Seguindo esta mesma liña, o martes día 14, foron realizados outros 6 enxertos de órganos sólidos, un deles dobre. Os órganos transplantados tamén procedían dun único donante.
E onte pola tarde foi realizado outro transplante, nesta ocasión un cardíaco, polo que en menos dunha semana os equipos de transplantes do CHUAC realizaron 13 enxertos de órganos sólidos.
Actividade transplantadora á alza
No que vai de ano lévanse realizados, na Área sanitaria da Coruña e Cee, 62 transplantes de órganos sólidos. Isto supón un incremento de máis dun 50% de transplantes que no mesmo período do pasado ano, no que se realizaron 40 enxertos.
Dos 62 transplantes realizados, 33 son de ril, 11 de fígado, 10 de pulmón, 6 de corazón e 2 de páncreas.
O número de donantes captados pola oficina de coordinación de transplantes nestes tres meses e medio ascende a 8.
Por meses, en xaneiro fixéronse 22 transplantes, 19 no mes de febreiro e 21 no que vai do mes de marzo.
Toda esta labor non sería posible sen o traballo realizado polo equipo multidisciplinar que forman cirurxáns cardíacos, torácicos, xerais e urólogos, así como cardiólogos, neumólogos, hepatólogos, nefrólogos e anestesistas, ademais do persoal que traballa nas unidades de reanimación e coidados intensivos, sen esquecer o persoal de enfermería e servizos xerais do Complexo Hospitalario Universitario de A Coruña.
O éxito do programa de transplantes do Complexo Hospitalario Universitario da Coruña non sería posible sen a colaboración e a solidariedade dos familiares dos donantes.