Esta
mañá, Luis Verde Remeseiro, xerente da Área Sanitaria da Coruña e
Cee e presidente do padroado da Fundación Profesor Nóvoa Santos, e
José
Mª Fuciños Sendín, presidente
do padroado
da Fundación Manuel Piñeiro Pose, firmaron un acordo
de colaboración entre estas dúas institucións para a promoción
da investigación científica sobre o tratamento médico,
farmacéutico e asistencial das persoas inválidas e enfermas.
Este
acordo marco de colaboración permitirá desenvolver calquera
programa ofrecido por ambas
partes, que consideren desexable e factible, e que contribúa ao
fomento e desenvolvemento das relacións de cooperación
entre as mesmas.
A
Fundación Manuel Piñeiro Pose, entre os fins dos seus estatutos,
atópanse a mellora do tratamento científico,
entendendo como mellora do tratamento científico, todas aquelas
actuacións que se apliquen ou se poidan aplicar para a promoción da
investigación científica sobre os tratamentos médicos,
farmacéuticos e asistenciais das persoas inválidas e enfermas.
O
presente Acordo Marco ten por obxectivo establecer as bases dunha
mutua cooperación entre estas dúas entidades para a realización de
actividades en todas aquelas áreas de interese recíproco propios
dos seus obxectivos e funcións, con miras ao logro dos seus fins o
aproveitamento racional dos seus recursos.