A Unidade de CMA / Curta estancia está centralizada na segunda planta do Hospital Abente y Lago.
A Unidade leva funcionando dende o ano 2000 no Hospital Abente y Lago cun gran éxito de implantación entre profesionais e pacientes.
Dende a sua inaguración leva mais de 160.000 cirurxias e a tendencia é a seguir medrando.
A CMA/ Unidade de CIRURXÍA DE CURTA ESTANCIA componse de:
- Sete quirófanos onde se desenvolven diariamente cirurxías de Oftalmoloxia, Unidade de Mama, Cirurxía Plástica, Dermatoloxía, Cirurxía Xeral, Xinecoloxía, Otorrinolaringoloxía, Cirurxía Maxilofacial, Uroloxía, Traumatoloxía, Cirurxia Vascular e Unidade da Dor.
- Coidados perioperatorios con dúas unidades: Reanimación e Hospital de Día, onde se leva a cabo tanto a preparación preoperatoria dos pacientes como os coidados postoperatorios tras os procedementos.
- Planta de hospitalización de curta estancia cirúrxica, onde poden ingresar por un período curto de tempo os pacientes que precisan coidados e vixilancia postoperatoria máis avanzados e que non poden ser asumidos no domicilio. Ao ser unha unidade mixta (CMA/Curta Estadía) os pacientes que ingresan representan aproximadamente un 10% dos intervenidos, fundamentalmente cirurxía complexa de mama e uroloxía.
- Consulta de Preanestesia (entre 1-2 diarias)
Na consulta de anestesia avalíase o estado de saúde a través da historia clínica (alerxias, enfermidades que padece, tratamentos que está tomando, etc), a exploración física, as probas complementarias realizadas e a avaliación da vía aérea. A finalidade da mesma é solicitar información do estado psíquico-físico do paciente, valorar o risco anestésico-cirúrxico, obter o consentimiento informado e informar dos coidados perioperatorios que precisa