A Unidade de Medicina Reprodutiva oferta asistencia reprodutiva no ámbito do Sistema Público de Saúde seguindo a Orde Ministerial SSI/2065/2014, do 31 de outubro e directrices da Consellería de Sanidade do Servizo Galego de Saúde.
Desta forma aténdese a pacientes que cumpran os seguintes requisitos:
- parellas heterosexuais con esterilidad de máis dun ano de evolución (ou menos en casos de patoloxía coñecida) ou mulleres sen parella ou homosexuais
- as mulleres serán maiores de 18 anos e menores de 40 anos e os homes maiores de 18 anos e menores de 55 anos no momento do inicio do estudo de esterilidade.
- persoas sen ningún fillo, previo e san. En caso de parellas, sen ningún fillo común, previo e san.
- casos de perda xestacional recorrente
- mulleres con risco acreditado de perda prematura de función ovárica por causa oncolóxica
Desta forma non se atenderá a persoas cos seguintes criterios de exclusión:
- Esterilización voluntaria previa (ligadura tubárica ou vasectomía).
- Existencia de contraindicación médica documentada para o tratamento da esterilidade.
- Existencia de contraindicación médica documentada para a xestación.
- Existencia de situación médica documentada que interfira de forma grave sobre o desenvolvemento da descendencia.
- Imposibilidade para cumprir o tratamento por motivos relacionados coa saúde ou outros motivos familiares ou relacionados coa contorna social.
- Existencia de situación documentada referida a calquera outra circunstancia que poida interferir de forma grave sobre o desenvolvemento da descendencia sometida a consideración dun comité de ética asistencial ou órgano similar.